თბილისის თავისუფალი ზონა: გადასახადებისგან თავისუფალი ბიზნესის გაფართოების საუკეთესო გზა

2016 წლიდან, თბილისის თავისუფალი ზონა (თიზ) წარმოადგენს ერთადერთ გადასახადებისგან თავისუფალ ზონას დედაქალაქში, 150-ზე მეტი რეგისტრირებული კომპანიით, რომლებიც მრავალ ინდუსტრიას მოიცავს. თიზ გამორჩეულია, როგორც პრემიუმ ბიზნეს ჰაბი მაღალი კლასის სამრეწველო და სასაწყობო ინფრასტრუქტურით, ხარჯთეფექტური ოპერაციებით და საქართველოს კვალიფიციური სამუშაო ძალის 80%-თან პირდაპირი წვდომით. საქართველოს მთავრობის მიერ გაცემული 50-წლიანი ლიცენზია უზრუნველყოფს ბიზნესისთვის სანდო და გრძელვადიან მომსახურებას.

მიუხედავად იმისა, რომ საქართველოს სხვა თავისუფალი ინდუსტრიული ზონები, როგორებიცაა: ფოთის, ქუთაისის და ჰუალინგის ზონები, საკუთარ უპირატესობებს გვთავაზობენ, თბილისის თავისუფალი ზონა (თიზ) უნიკალური სტრატეგიული ჰაბია. მისი ცენტრალური მდებარეობა თბილისში, განვითარებული ინფრასტრუქტურა და თანამედროვე, ყოვლისმომცველ სერვისებზე მუდმივი ფოკუსირება მას გამორჩეულს ხდის.

თიზ არის ლიდერი “Plug-in & Play” მოდელის დანერგვაში ყველა მომხმარებლისთვის. რაც გულისხმობს, რომ თიზ აშენებს, აღჭურავს და გადასცემს ობიექტებს მოიჯარეების საჭიროებების შესაბამისად. გარდა ამისა, ის იურიდიულ, საბუღალტრო და საბანკო მომსახურებაში, სამშენებლო და სარემონტო სამუშაოებში, წარმოშობის სერტიფიკატის მოპოვებაში, ასევე ბიზნესისა და თანამშრომლების განსახლების სერვისებში დამატებით მხარდაჭერას სთავაზობს.”